Artikel Terbaru Lainnya :
Kalo misalnye kite kagak demen perjuangan Hamas disumbang Iran, itu artinye kite juga kudu usaha nyari atau ngasih bantuan lebih banyak ke Palestina biar bisa mendesak Hamas buat nolak bantuan dari Iran.
Jangan sampe kite koar-koar mendiskreditkan Hamas karena mau nerima bantuan dari Syi'ah, tapi kite sendiri males atau jarang nyisihin rejeki buat bantu perjuangan mereka.
Biaya buat ngusir dan ngelawan penjajah tuh gak murah, gaes. Bukan cuman anggaran alutsita dan logistik tentara yang dibutuhin, tapi juga duit buat melindungi dan mencukupi kebutuhan warga sipil. Kelean pan tauk Zionis embargo Gaza dari darat, laut dan udara. Kite disini cabe panen telat terus harga ngelonjak pade teriak, bayangin coba harga kebutuhan pokok di Gaza setinggi ape? 🙄
Mangkanye Pak Ismael (Ismail Haniyyah) bilang kalo die bakal nerima bantuan dari pihak manapun yang mendukung perjuangan bangsa Palestina. Kagak bisa milih-milih karena emang butuh dan terdesak.
Ibarat kata ye, gaes. Daging monyet, babi, kadal, bangke, cebong ajah bisa jadi halal buat kite makan kalau dalam kondisi terdesak untuk bertahan hidup. Lah, ini Gaza diserang tiap hari. Rakyatnye ditindas setiap waktu. Mereka dah melawan dengan segenap kemampuan meski dalem kondisi lapar, haus, dan dingin. Dengan batu, kayu, ketapel sampe modal kepalan tangan kosong juga mereka jabanin biar bisa tetep melawan dan bertahan saat ditindas.
Gak ade satu rumah pun di Gaza yang penghuninye gak pernah kehilangan anggota keluarga karena terbunuh. Kurang mendesak ape lagi keperluan mereka, gaes? Woii gaes. Gaes melon. 😤
Maap-maap kate nih, gaes. Rakyat Gaza berjuang tiap hari. Pagi sore siang malem terus ngalamin teror. Kite rata-rata bisa nyumbang buat bantu mereka berape kali sih dalem sebulan? Ye emang bukan salah kite jugak karena disini juga punya kebutuhan. Tapi yang jelas, selaen do'a mereka juga butuh amunisi buat melawan.
Mangkanye, pliss deh. Jangan pade enteng mulut ngefitnah dan ngejelekin Hamas. Jangan mau jadi korban propaganda busuk zionis yang emang hari-hari ini dan ke depan bakal terus nargetin biar Hamas dibenci. Sebab, kalo Hamas sampe terpukul mundur, penderitaan rakyat di Syeikh Jarrah tuh bakal gak ade ape-apenye dibanding penderitaan mereka nanti kalo Hamas sampe kalah.
70 tahun zionis menginvasi Palestina. Aye sih gak yakin kalo semua biaya perang Hamas tuh cuman dibiayain Iran tanpa dibantu donasi dari negara-negara Islam yang laen. Lah, harga satu rocket canggih yang jangkauannya nyampe Tel Aviv berikut pernak-pernik peluncurannye ajeh bisa nembus satu juta dolar. Sedangkan bisa jadi buat sehari perang tuh butuh ribuan rocket yang kudu dilemparin. Ape kagak bangkrut tuh Iran kalo kedapetan ngebayarin semua?
Alhamdulillah, aye yakin banyak negara laen yang nyumbang ke Palestina. Baik secara terang-terangan maupun sembunyi-sembunyi. Di USA sendiri, tempat zionis mimik cucu, kemarenan 6000an orang turun ke jalan menentang agresi Isr*el ke Palestina. Apelagi warga Irlandia, Malaysia dan negara kite tercinta Indonesia. Banyak pastinye negara laen yang usaha bantuin Palestina.
Janganlah kite malah salah kaprah membenci pihak yang harusnye kite dukung. Mereka lagi berjuang, perang buat bela tanah air koq malah dimusuhin. Difitnah sana-sini dan dikorek-korek kesalahannye.
Tuduhan korupsi ke salah satu pimpinan Hamas pan juga gak jelas. Lagian kalo pun bener, masa' dasar kite ngebenci Hamas dan pingin mereka hancur cuman gegara salah satu pimpinannye korupsi? Pegimane kabar negara kite? Pan pemimpin wilayah, wakil rakyat, beserta partainye ade juga yang korupsi. Mau kite do'ain biar kalah dan hancur negara terus diambil alih sama pihak asing? 🙈
Gak usah juga lah nyuruh-nyuruh orang Palestina buat hijrah ninggalin negaranye. Noh, yang pade mau hijrah tetep aje diserang pas sampe di kamp pengungsian. Malah jadi gampangin musuh buat ngebantai semua.
Lagian emang dikate pindah negara tuh gampang? Pindahan rumah ajeh kite repot. Warga Palestina tuh gak kayak kite bisa bebas pergi ke belahan dunia mana ajeh asal punye duit. Mereka udeh gak punya duit, laper, terus disuruh pergi dari rumahnye tanpa kepastian dapetin hal yang lebih baek saat pindah. Minimal kepastian kalo bakal ade yang ngasih tempat tinggal yang bisa mereka huni. Ada gak?!
Kalo situ juga gak tauk ade ape nggak ye mending gak usah banyak ngomong. Apelagi kalo situ sendiri belon punya rumah, masa' malah nyuruh orang lain yang udeh punya rumah buat pergi terus ngerelain rumahnye direbut paksa penjajah. 🙄
Angel aye denger omongan ente! 😓
Nah, kannn. Jadi ngomel dah aye bis lebaran! 😴
#israelbinasa
(By Aisha Rara)
from Konten Islam https://ift.tt/3ylKCDm
via IFTTT
